ملخصات اللغة الإنجليزية الشهادة السودانية

كيفية حل أسئلة القطعة the comprehension في انجليزي الشهادة السودانية

حصص الشهادة السودانية مادة اللغة الإنجليزية كيف نجيب على أسئلة القطعة the comprehension 😥؟!

الموضوع بسيط جدا هنا وفي الامتحان 😇❤️

🔸 اول شي مفروض تكون عارفها ان القطعة بتجي من كتاب الصف الثالث أو الثاني

🔸 إذا وجدت كلمة لا تعرف معناها اكتشف معناها من السياق

مثلا ecology 😉 اتعودنا المقطع بتاع logy يدل على أن الكلمة علم science 🤭 فأكيد كلمة ecology تدل على علم من العلوم كالأحياء مثلا biology و بما ان الموضوع العام للقطعة هو الاشجار فأكيد العلم ده حيكون بيختص بدراسة البيئة أو الأرض

🔸 طيب إذا ما عرفت خالص 😢 ؟!

عموما اسئلة القطعة بتكون مباشرة و بتعتمد بشكل كبير على الحصيلة اللغوية حقتك في بعض الأسئلة هل انت بتعرف انو stem بيعني جذع، ساق الشجرة؟!🤔

🔸 تعود تجرد الكلمة من

ال Suffixes and Prefixes

like (in, un, under, ment, tion )

و احصل على the root of the word

اي اصل الكلمة 🤭 و شوف المعنى حقو

و على حسب عمل الsuffixes and Prefixes

طلع المعنى العام 😉

🔸 لازم نحفظ كم مفردة للكلمة 🤭 عشان نقدر نحل سؤال draw a circle 😎

عشان كده مهم نعرف اي كلمة في القطعة بتعني شنو مهم شديد ما تتجاهل ولا كلمة خالص 😉

🔸 طيب احفظ من وين و بأي وسيلة 😢💔؟!

عادي جدا من كتاب الصف الثاني أثناء ما بتراجع القطع حقتو و ممكن الأول برضو 😉

الموضوع ما خطير اشتغل بقاعدة 5 كلمات يوميا ع بال امتحان الشهادة ما يجي بتلقى عندك حصيلة لغوية خطييرة 😉

🔸 هل في زمن 😢؟! أيوة في كافي و وافي لو كنت حريف و بتعرف تستغل زمنك ي بطل 😉 أوقات الفراغ عندك كتيرة شديد😐💛 اصحى و اصحي بدري ي جميلة بدري زي الساعة ٤ صباحا و فسحة الفطور برضو ممكن تراجع و تراجعي مع صحباتك 😉 و تحفظوا the meanings of words together 🥳

🔸 و اخيرا وليس اخراً 😇🌟

امتحان الشهادة بعكس الامتحانات التجريبية بجي سااهل و أي شي مباشر لو راجعت كل امتحانات الشهادة بتلقاها أسهل بكتير من الامتحانات الشهرية و التجريبية 🤗❤️